သင့် IOS စက်ပစ္စည်းကို ကာကွယ်ပါ
မာတိကာ
...မာတိကာ စတင်နေသည်...iPhone သို့မဟုတ် iPad ကိုအသုံးပြုလျှင် လုံခြုံရေးအတွက် ပိုမိုစိတ်ချရသည်ဆိုသည်ကို သင်ကြားဖူးမည်ဖြစ်သည်။ ဒါက သေချာပေါက် မှန်နိုင်မည်မဟုတ်ပါ။ လုံခြုံရေးသည် ကျွန်ုပ်တို့၏စက်ပစ္စည်းများကို အသုံးပြုပုံနှင့် ၎င်းတို့၏ စက်ပစ္စည်းများ၏ ဆော့ဖ်ဝဲလ်ပေါင်းစပ်မှုပေါ်တွင် မူတည်နေပြီး အချိန်မရွေး ထိုဆော့ဖ်ဝဲလ်မျာသည် အားနည်းချက်များ ရှိနေနိုင်သည်။ သင့်စက်ပစ္စည်းကို ပိုမိုလုံခြုံစေရန်အတွက် အောက်ပါအဆင့်များကို သေချာစွာဖတ်ရှုပါ။ Setting များကို သေချာစွာ စီစစ်ပြီး လုံခြုံရေးကို ဂရုစိုက်သည့် အလေ့အကျင်းကို မွေးမြူပါ။
သင့်စက်ပစ္စည်း လည်ပတ်မှုစနစ် (OS) ၏ နောက်ဆုံးဗားရှင်းကို အသုံးပြုပါ
- ဆော့ဖ်ဝဲကို update လုပ်သည့်အခါ၊ အင်တာနက်ကဖေး သို့မဟုတ် ကော်ဖီဆိုင်တွင်မဟုတ်ဘဲ သင့်အိမ် သို့မဟုတ် ရုံးခန်းကဲ့သို့ ယုံကြည်ရသော တည်နေရာတွင် အင်တာနက်ချိတ်ဆက်မှု ပြုလုပ်ပါ။
- နောက်ဆုံးပေါ် လည်ပတ်ရေးစနစ်( OS ) သို့ အဆင့်မြှင့်တင်ခြင်းသည် ဆော့ဖ်ဝဲကို ဒေါင်းလုဒ်လုပ်ပြီး အကြိမ်ပေါင်းများစွာ ပြန်လည်စတင်ရန် လိုအပ်ပေမည်။ သင့်စက်ပစ္စည်းနှင့် အလုပ်မလုပ်မည့်အချိန်ကို ချိန်ပြီး OS အဆင်မြင့်တင်ခြင်းကိုပြုလုပ်ပါ။
- အဆင့်မြှင့်တင်ခြင်း ပြီးဆုံးသည့်အခါ တခြားထပ်တိုးအဆင့်မြှင့်တင်စရာအသစ်များ မကျန်တော့သည့်အထိ ရရှိထားသည့် အဆင့်မြှင့်တင်မှုများအားလုံးကို မြှင့်တငပြီးမပြီး ထပ်မံစစ်ဆေးပါ။
- သင်၏ iOS နောက်ဆုံးဗားရှင်းသည် သင့်စက်ပစ္စည်းတွင်မလည်ပတ်နိုင်တော့ပါက
စက်ပစ္စည်းအသစ်ဝယ်ရန် စဉ်းစားခြင်းသည် အကောင်းဆုံးဖြစ်သည်။
- apple ရဲ့ နောက်ဆုံးပေါ် အဆင့်မြှင့်ထားတဲ့ ဗားရှင်းတွေကို ဒီနေရာမှာ ကြည့်ရှုနိုင်ပါသည်။
- ၎င်းတွင် ဖော်ပြထားသော ဗားရှင်းနှင့် သင့်၏စက်တွင် ထည့်သွင်းထားသည့်ဗားရှင်းနှင့် နှိုင်းယှဉ်ပါ။
- သင်၏ iOS လည်ပတ်ရေးစနစ်ကို အဆင့်မြှင့်တင်ပါ။
- သင်ဖုန်း၏ iOS ကို အလိုအလျောက် အဆင့်မြှင့်နိုင်ရန်အတွက် ဆက်တင်ကို ချိန်ညှိနိုင်ပါသည်။
- အဆင့်မြှင့်တင်ခြင်းကို အပြည့်အဝထည့်သွင်းခြင်းသေချာစေရန် အဆင့်မြှင့်တင်ခြင်းလုပ်ငန်းစဉ်ပြီးဆုံးချိန် ပေါ်လာသော ပါဝင်အပိတ်အဖွင့်လုပ်ခြင်းကို အမြဲလုပ်ပါ။
Notes
- သင်၏ iPhone ကောင်းမွန်စွာ အလုပ်လုပ်ရန်အတွက် iPhone တွင် အချက်အချာကျသည့် System ဖြစ်သော iOS ကို အမြဲတမ်း Update ပြုလုပ်ရန်လိုအပ်ပါသည်။ ထိုသို့ ဖုန်းတစ်ခုလုံး၏ iOS ကို Update မပြုလုပ်ခင် အရင်ပြုလုပ်သင့်သည်မှာ သင့်ဖုန်းအား Backup ပြုလုပ်ခြင်းဖြစ်သည်ဟု လမ်းညွှန်းများ၌ ဖော်ပြထားလျက်ရှိသည်။ ထို့သို့ Backup ပြုလုပ်ရာတွင် နည်းလမ်းများစွာ ရှိသည်၊ အထူးသဖြင့် iCloud ကိုအရင် Backup ပြုလုပ်သင့်ပါသည်။ ထို့သို သင်၏ဖုန်းတစ်ခုလုံး၏ iOS ကို အဆင်မြှင့်တင်ရာ တစ်နည်းအားဖြင့် Update ပြုလုပ်ရာတွင် ဖြစ်ရာလာနိုင်သည့် အန္တရာယ်များအား ဖတ်ရှုပြီးမှ သင့်အတွက် စိတ်အချရဆုံးဖြစ်သည့် နည်းလမ်းကို ရွေးချယ်ကာ Update ပြုလုပ်သင့်ပါသည်။ ယေဘုယျအားဖြင့်တော့ သင့်၏ဖုန်း (သို့) ကွန်ပျူတာ ထဲတွင်သာ ဒေတာများအား Backup ပြုလုပ်သင့်ပါသည်။ (https://support.apple.com/en-us/108796).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
သင့်စက်များနှင့် အက်ပ် များအတွင်းတွင် လုပ်ဆောင်ပေးသည့် ကုဒ်ရှိ အားနည်းချက်အသစ်များကို နေ့စဉ် တွေ့ရှိနေပါသည်။ ကုဒ်သည် အလွန်ရှုပ်ထွေးသောကြောင့် ထိုကုဒ်ကိုရေးသော ရေးသားသူများသည် မည်သည့်နေရာတွင်တွေ့မည်ကို ခန့်မှန်း၍မရပါ။ မလိုလားအပ်သော တိုက်ခိုက်သူများသည် သင့်စက်ပစ္စည်းများ အတွင်းသို့ ဝင်ရောက်ရန် ဤအားနည်းချက်များကို အသုံးချနိုင်သည်။ သို့သော် ဆော့ဖ်ဝဲရေးသားသူများက ထိုသို့သောအားနည်းချက်များကို ပြုပြင်ပေးမည့် ကုဒ်များကို ပုံမှန်ထုတ်လေ့ ရှိပါသည်။ ထို့ကြောင့် ပြုပြင်မွမ်းမံအသစ် များကို ထည့်သွင်းရန်နှင့် သင်အသုံးပြုသည့် စက်ပစ္စည်းတစ်ခုစီအတွက် ၎င်းတို့၏ လည်ပတ်မှုစနစ် နောက်ဆုံးဗားရှင်းကို အသုံးပြုရန် အလွန်အရေးကြီးပါသည်။ ကျွနု်ပ်တို့အနေဖြင့် သင့်စက်ပစ္စည်းကို အလိုအလျောက် ပြုပြင်မွမ်းမံမှု လုပ်ရန် ပြုလုပ်ထားဖို့အကြံပြုလိုပါသည် ၊ သို့မှသာ သင့်တွင် သတိတရလုပ်ဆောင်ရမည့်တာဝန်တစ်ခု လျော့သွားမည် ဖြစ်သည်။
Lockdown လုပ်ဆောင်ချက်ကို ဖွင့်ထားပါ။
အကယ်၍ သင်က Apple ထုတ်ကုန်များဖြစ်သည့် iPhone ၊ iPad (သို့) တစ်ခြား iOSစက်ပစ္စည်းများအသုံးပြုပါက ကျွနု်ပ်တို့အနေဖြင့်[Lockdown Mode ကိုဖွင့်ထားရန်] (https://support.apple.com/en-gb/guide/iphone/iph049680987/ios) အကြံပြုပါသည်။ Lock Down Mode ကို ဖွင့်ထားခြင်းအားဖြင့် သင့်၏ စက်ပစ္စည်းအလုပ်လုပ်သည့်ပုံစံမှာ ပြောင်းလဲမှု များစွာ ကို မမြင်ရသော်လည်း သင့်အနေဖြင့် ပို၍ လုံခြုံနိုင်မည်ဖြစ်သည်။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
Lockdown Mode သည် Pegasus ကဲ့သို့သော ရှုပ်ထွေးနက်နဲပြီး တိုက်ခိုက်လာနိုင်သည့် စပိုင်ဝဲများ တိုက်ခိုက်မှုမှ လျော့နည်းနိုင်သည် ။ Features of the Lockdown Mode တွင် ပါဝင်သည့်အရာများကို လူတိုင်းက အသုံးပြုသင့်ပြီး စံနှုန်းကိုက်ညီသည့် စက်လည်ပတ်ရေးစနစ်၏ အစိတ်အပိုင်းတစ်ခု ဖြစ်သင့်သည်။
ယုံကြည်ရသောအရင်းအမြစ်များမှသာ အက်ပ်ပလီကေးရှင်းများကို အသုံးပြုပါ
- ကျွန်ုပ်တို့အနေဖြင့် သင်၏ စက်ပစ္စည်းကို jailbreak မပြုလုပ်ရန် အကြံပြုပါသည် ၊ ထိုသို့ပြုလုပ်ခြင်းသည် မသမာသည့် ကုဒ်များမှတဆင့် သင့်အတွက် မလိုလားအပ်သော လုံခြုံရေးကျိုးပေါက်မှုများစွာကြုံလာနိုင်သည် ။
- Apple မှ တရားဝင် သတ်မှတ်ထားသော App Store မှသာ အက်ပ် များ ထည့်သွင်းပါ။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
[Apple မှ App Store] (https://www.apple.com/app-store/) ကတော့ iPhone အသုံးပြုသူတွေရဲ့ Application Download ရယူနိုင်ဖို့အတွက် တစ်ခုတည်းသော Apple ကသတ်မှတ်ထားတဲ့ တရားဝင်နေရာတစ်ခုဖြစ်သည်။ ဒီလိုမျိုး Apple ကုမ္ပဏီက သတ်မှတ်ထားတဲ့ တစ်ခုတည်း App Store ကနေ Application များသွင်းယူနိုင်ခြင်းက Apple ကုမ္ပဏီအနေဖြင့် အသုံးပြုသူများအတွက် လိုအပ်တာကို အလွယ်တကူ ပြပေးနိုင်သလို၊ App Store ပေါ်မှာ လာရောက်တင်ထားမယ့် Application များအား Apple သတ်မှတ်ထားတဲ့ လုံခြုံရေးစံနှုန်း တစ်စုံတစ်ခု ချိုးဖောက်ခြင်းမျိုး ရှိတဲ့အခါမျိုးမှာ ကုမ္ပဏီ အနေဖြင့် တောက်လျောက်စောင့်ကြည့်နိုင်မှာဖြစ်သလို App Store ပေါ်မှာ လာရောက်တင်ကြမယ့် App တွေအတွက်လည်း Apple ကုမ္ပဏီ က သတ်မှတ်ထားတဲ့ စံနှုန်းတွေ၊ ပေါ်လစီတွေကို ထည့်သွင်းဖို့အတွက် ထိန်းကွပ်စီမံနိုင်မှာဖြစ်သည်။ ဒါကြောင့် တရားဝင်ဖြစ်တဲ့ App Store ကနေသာ Application မှာ Download ချဖို့၊ မိမိဖုန်းထဲကို သွင်းယူပါ။
အချို့သောအစိုးရများက မိမိတို့နိုင်ငံအတွင်းမျာ အချို့သော အက်ပ် များကို အသုံးပြုခွင့်မရအောင် ပိတ်ပင်ထားဖို့ နည်းပညာ ကုမ္ပဏီများကို တောင်းဆိုလေ့ရှိသည်။ ထိုသို့သောအခြေအနေတွင် သင်က သင့်ဖုန်းထဲကို ပိတ်ပင်ထားသော အက်ပ်များအား သွင်းယူနိုင်ဖို့ (သို့) Download ရယူနိုင်ဖို့အတွက် သင်၏စက်ပစ္စည်းအား “Jailbreaking” ပြုလုပ်ခြင်း တစ်နည်းဖြင့် “roots” ဖောက်ခြင်းစတာတွေကို လုပ်ကြပါသည်။ တကယ်တမ်းက နိုင်ငံတစ်နိုင်ငံ ဆင်ဆာ ပိတ်ထားခြင်းများကို ကျော်လွှားနိုင်ဖို့၊ အစိုးရတစ်ရပ်ရဲ့ ပိတ်ပင်ထားတဲ့ App တွေကို အသုံးပြုနိုင်ဖို့ရန်အတွက် Jailbreak ပြုလုပ်ရန်မလိုပါ။ သင်၏ဖုန်းထဲမှာ ဆက်တင်ပြုလုပ်သည့်အခါ ဒီလိုမျိုး ဆင်ဆာတွေ ပိတ်ပင်မှုတွေကို [သင့်တိုင်းပြည်၏ ဆင်ဆာကို ကျော်လွှားနိုင်မည့် နည်းစနစ်များ] (../../internet-connection/anonymity-and-circumvention/) ကို အသုံးပြုနိုင်သည် ။
သင်အတွက် အသုံးပြုရန်မလိုအပ်သော အက်ပ်များအား ရှင်းလင်းပါ
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
သင့်စက်များနှင့် အက်ပ်များတွင်လုပ်ဆောင်သည့် ကုဒ်ရှိ အားနည်းချက်အသစ်များကို နေ့စဉ် တွေ့ရှိနေပါသည်။ကုဒ်သည် အလွန်ရှုပ်ထွေးသောကြောင့် ထိုကုဒ်ကိုရေးသော developer များသည် မည်သည့်နေရာတွင်တွေ့မည်ကို ခန့်မှန်း၍မရပါ။ အန္တရာယ်ရှိသောတိုက်ခိုက်သူများသည် သင့်စက်များအတွင်းသို့ ဝင်ရောက်ရန် ဤအားနည်းချက်များကို အသုံးချနိုင်သည်။ သင်အသုံးမပြုသော App များကို ဖယ်ရှားခြင်းသည် သင့်စက်အတွက် အားနည်းချက်ဖြစ်စေသည့် App အရေအတွက်ကို ကန့်သတ်ပေးသည်။ သင်အသုံးမပြုသောApp များသည် သင့်တည်နေရာကဲ့သို့ အခြားသူများနှင့် မမျှဝေလိုသည့်အချက်အလက်များကိုလည်း ပေးပို့နိုင်ပါသည်။
ကိုယ်ရေးကိုယ်တာအချက်အလက်များအပေါ် ကျင့်ဝတ်ကောင်းများဖြင့် ကိုင်တွယ်သော အက်ပလီကေးရှင်းများကို အသုံးပြုပါ
- Firefoxကို အသုံးပြု၍ အင်တာနက်တွင် ရှာဖွေမှုများကို ပြုလုပ်နိုင်ပါသည်။
- သင့်အနေဖြင့် အိုင်အိုအက်စ် စက်ပစ္စည်း တွင် လိုအပ်သလို အသုံးပြုနိုင်မည့် အခမဲ့ ပွင့်လင်းရင်းမြစ် ဆော့ဖ်ဝဲ များကို အသုံးပြုနိုင်သည်။ သင်အနေဖြင့် အက်ပ်တစ်ခုသုံးသင့် မသုံးသင့်ဆုံးဖြတ်ရန် [Security in a Box မှလည်း ကျွန်ပ်တို့ အကြံပြုထားသည့် ကိရိယာများနှင့် ဝန်ဆောင်မှု ကို မည့်သို့ အကြံပြုထားသလဲ] (../../about/how/#how-we-choose-the-tools-and-services-we-recommend) ဆိုသည်ကို ဖတ်ရှူပါ ။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
iPhone နှင့် iPad များတွင် Apple ကုမ္ပဏီ မှ တစ်ပါတည်း ထည့်သွင်းပေးလိုက်သည့် privacy မှတ်တမ်းပါရှိသော Safari နှင့် မေးလ် ကဲ့သို့သော ဆော့ဝဲများ နှင့် လုံခြုံရေး အချင်းအရာများ ပါရှိသည်။ ထိုသို့ တပါတည်းပါသော ဆော့ဝဲများသုံးမည့်အစား ဝက်ဘ်များတွင် ရှာဖွေရန်၊ အီးမေးလ်များဖတ်ရန် နှင့် ပို၍အခြားအရာများအသုံးပြုရန် ကိုယ်ရေးကိုယ်တာအချက်အလက်များအပေါ် ကျင့်ဝတ်ကောင်းများဖြင့် ကိုင်တွယ်သော အက်ပ်များကို အသုံးပြုနိုင်သည်။
ဖြစ်နိုင်ရင် ဆိုရှယ်မီဒီယာ အက်ပ်များ အသုံးပြုခြင်းကို ရှောင်ရှားပါ
- သင်၏ ဆိုရှယ်မီဒီယာများအသုံးပြုခြင်း နှင့် Website များဝင်ရောက်ကြည့်ရှုခြင်းများအား Application များနှင့် ထည့်သွင်းအသုံးပြုခြင်းထက် Browser များမှ Log in လုပ်ပြီး ဝင်ရောက် အသုံးပြုပါ။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
သင်၏ဖုန်းထဲတွင် ထည့်ထားသော Application များက သင်၏ဒေတာများကို ရယူလေ့ရှိသည်။ ဒေတာများထဲတွင် သင့်ဖုန်း၏ ID ၊ သင့်ဖုန်းနံပါတ်နှင့် သင် မည်သည့် ဝိုင်ဖိုင်ကို ချိတ်ဆက်ထားသည် ကဲ့သို့သော သင့်ဒေတာအများအပြားကို ရယူနိုင်သည်။ ဒါ့အပြင် လိုအပ်တာထပ် ဒေတာစုဆောင်းမှုတွေကိုလည်း ဆိုရှယ်မီဒီယာ App တွေကနေတစ်ဆင့် ရယူတာတွေရှိပါသည်။ Facebook (သို့) Instagram များမှ ရယူတာများပါသည်။ ဒါကြောင့် ထိုကဲ့သို့သော ဆိုရှယ်မီဒီယာ App တွေကိုအသုံးပြုသည့်အခါ Firefox)ကဲ့သို့သော Browser တွေကနေတစ်ဆင့် ဝင်ရောက် သုံစွဲတာက သင့်ရဲ့ ပုဂ္ဂိုလ်ရေးရာနှင့် ဆိုင်သော အချက်အလက်အချို့ကို ကာကွယ်နိုင်မည်ဖြစ်သည်။
သင်၏ အက်ပ်ပလီကေးရှင်း၏ တောင်းဆိုသည့် ခွင့်ပြုချက်များကို ကြည့်ရှုပါ
ဖုန်းထဲတွင်ရှိသော Application တစ်ခုချင်းစီတွင် ရှိနေသော သို့မဟုတ် မျှဝေသုံးစွဲနေသော ခွင့်ပြုထားခြင်း (Permission) များကို စစ်ကြည့်ပါ။ အသုံးမပြုတော့သော Apps များ၏ Permission ကိုစစ်ကြည့်ပြီး လိုအပ်ပါက ပေးခဲ့မိသော ခွင့်ပြုချက်များကိုဖြုတ်ပစ်ပါ
တည်နေရာ
အဆက်အသွယ်များ
စာတိုများ
မိုက်ခရိုဖုန်း
ကင်မရာ
ဖုန်းခေါ်ဆိုမှု မှတ်တမ်း
ဖုန်း
System Setting အား ဖြည့်စွက်ပြင်ဆင်ခြင်း (သို့) ပြောင်းလဲခြင်း
အခြား App များကို ဒေါင်းလုပ်လုပ်ရန် ခွင့်ပြုသည်
ပြက္ခဒိန်များ
ကြိုတင်အသိပေးသော reminders များ
ဓါတ်ပုံများ
ဘလူးတု
လိုကယ် ကွန်ယက်
အနီးနားရှိသော စက်ပစ္စည်းများ၏ အပြန်အလှန်တုံ့ပြန်မှုများ
အသံ သို့မဟုတ် စကား မှတ်သားမှု ဆိုင်ရာများ
ကျန်းမာရေးနှင့် သက်ဆိုင်သော
မီဒီယာနှင့် သက်ဆိုင်သော
ဒေတာများထည့်သွင်း ထားသော (Files) များ / (Folders) ဖိုင်တွဲများ
ဖုန်းထဲတွင်ပါဝင်သော ခန္ဓာကိုယ်လှုပ်ရှားမှု၊ ကြံ့ခိုင်မှုများနှင့် သက်ဆိုင်သည်များ
ဤနေရာတွင် [သင်၏ iphone တွင် ပါဝင်သော Application များနှင့် ပက်သက်၍ လုံခြုံရေးဆိုင်ရာ အကြောင်းအရာများကို ] https://securityplanner.consumerreports.org/tool/review-iphone-app-permissions) ကို လေ့လာပါ။
ကိုယ်ရေးကိုယ်တာလုံခြုံရေး နှင့်တည်နေရာဝန်ဆောင်မှုများ နှင့်ပတ်သက်သော အသေးစိတ်အချက်အလက်များ
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
သင့်တည်နေရာ၊ မိုက်ခရိုဖုန်း၊ ကင်မရာ သို့မဟုတ် စက်ချိန်ညှိမှုများကဲ့သို့သော အရေးကြီးသော ဒစ်ဂျစ်တယ်အသေးစိတ်အချက်အလက်များ သို့မဟုတ် ဝန်ဆောင်မှုများကို အသုံးပြုသည့်အက်ပ်များသည်လည်း အချက်အလက်များ ပေါက်ကြားနိုင်သည် သို့မဟုတ် တိုက်ခိုက်သူများ အသုံးချခံရနိုင်သည်။ ထို့ကြောင့် ဝန်ဆောင်မှုတစ်ခုအား အသုံးပြုရန် အက်ပ်တစ်ခုမလိုအပ်ပါက၊ အဆိုပါခွင့်ပြုချက်ကို ပိတ်ပါ။
တည်နေရာအားပိတ်ထားပြီး မှတ်တမ်းအားရှင်းလင်းပါ
- သင့်စက်တစ်ခုလုံးနှင့် အက်ပ်တစ်ခုချင်းအတွက် ၎င်းတို့ကို
အသုံးမပြုသည့်အခါတွင် တည်နေရာဝန်ဆောင်မှုများကို
အလုံးစုံပိတ်သည့်အလေ့အကျင့်ကို ရယူပါ။
- [သင်၏စက်ပစ္စည်းများအား တည်နေရာ ပြသနေမှု တစ်နည်းအားဖြင့် Lcoation ဖွင့်ထားခြင်းအား ပိတ်တတ်ရန် သင်ယူပါ] (https://support.apple.com/HT207092)။
- အကယ်၍များ သင့်စက်ပစ္စည်း၏တည်နေရာများအား ဖွင့်ထားမိပါက အချိန်နှင့်တစ်ပြေးညီ
တည်နေရာမှတ်တမ်းအား ပုံမှန်စစ်ဆေးပြီးရှင်းလင်းပါ။
- [သင်၏ အိုင်ဖုန်း မြေပုံအက်ပ်မှ တည်နေရာ မှတ်တမ်းများ] (https://support.apple.com/guide/iphone/iph32b15b22f/ios) သို့မဟုတ် အိုင်ပတ်ထ် အား မည်သို့ ရှင်းလင်းရမည်ဆိုသည်ကို လေ့လာပါ ။
- အကယ်၍ သင်၏စက်ပစ္စည်းများအား တည်နေရာ Location ဖွင့်ထားမိပါက ပုံမှန်စစ်ဆေးပြီး တည်နေရာမှတ်တမ်းသိမ်းဆည်းမှုများကို Google Map ရဲ့ Location History ကနေ ရှင်းလင်းဖို့လိုသည်။ သင်၏ တည်နေရာမှတ်တမ်းများနှင့် သွားလာလှုပ်ရှားမှုများကို Google Map မှ မှတ်သားထားမှုကို ဖျက်နိုင်ရန်အတွက် ဒီနေရာတွင် လမ်းညွှန်ကို ဖတ်ရှုနိုင်သည််။ (https://support.google.com/accounts/answer/3118687?#delete) and your Maps activity.
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
ကျွန်ုပ်တို့၏စက်ပစ္စည်းများသည် ကျွန်ုပ်တို့အသုံးပြုနေသည့်နေရာ၊ GPS၊ ဖုန်းအသုံးပြုရန်အတွက် ချိတ်ဆက်ခဲ့သော တာဝါတိုင်များ ဒါမှမဟုတ် ချိတ်ဆက်အသုံးခဲ့သော wifi များနှင့် အသုံးပြုခဲ့သည့်နေရာများကို အမြဲမပြတ်ခြေရာခံသည်။ အကယ်၍များ သင်ရဲ့ စက်ပစ္စည်းတွေဖြစ်တဲ့ ဖုန်းတွေ၊ ကွန်ပျူတာတွေက သင်ရဲ့ ပြင်ပလက်ရှိတည်နေရာတွေကို မှတ်တမ်းတင်ထားမယ်ဆိုရင် အခြားသူတစ်ယောက်က ဒီအရာတွေကို အခြေခံပြီးသင့်ကို ရှာလို့ရနိုင်သလိုပဲ၊ ဒီ မှတ်တမ်းတွေကို အခြေခံပြီး ဘယ်အချိန်၊ ဘယ်နေရာမှာ သင်က ဘယ်သူတွေနဲ့ရှိခဲ့လဲဆိုတာတွေကို သက်သေပြနိုင်ပါသည်။
သင့်စက်နှင့်ချိတ်ဆက်ထားသည့်အကောင့်များအားလုံခြုံအောင်ပြုလုပ်ပါ။
- Apple ID နှင့် စကားဝှက်ကို ကာကွယ်ရန် Apple ၏ စစ်ဆေးရန်စာရင်း ကို ဖတ်ရှုပါ။ တိတိကျကျပြောရလျှင် ခိုင်မာအားကောင်းသော စကားဝှက်တစ်ခုထားရန်၊ နှစ်ဆင့်ခံလုံခြုံရေးကို ဖွင့်ထားရန် နှင့် သင်၏ Apple ID အကောင့်ကို မည်သူနှင့်မှ မျှဝေထားခြင်းမရှိစေရန် ဂရုစိုက်ပါ။
- သင်၏ Apple ID အကောင့်နှင့် ချိတ်ဆက်နေသော စက်ပစ္စည်းများကို ကြည့်ရှုရန် သင်၏ စက်ပစ္စည်းစာရင်းကို ကြည့်ရှုနည်းကို လေ့လာပါ။
- သင့်စက်ပစ္စည်း နှင့် ချိတ်ဆက်မှုရှိနေသာ တခြားအကောင့်များအား စစ်ဆေးရန် ဆိုရှယ်မီဒီယာအကောင့်အပိုင်းကိုလည်းကြည့်ပါ။
- သင် ထိန်းချုပ်မှုမရှိသော စက်ပစ္စည်းများမှ သံသယဖြစ်ဖွယ်လုပ်ဆောင်ချက်များကို သင်မြင်ပါက သင့်အကောင့်လုပ်ဆောင်ချက်ကိုပြသသည့် စာမျက်နှာများ၏ ဓာတ်ပုံ (သို့မဟုတ်) screenshot ကိုရိုက်ယူလိုမည်ဖြစ်သည်။
- Follow the Apple ID သည် ပေါက်ကြားမှုရှိနေသည်ဟု သံသယရှိချိန်တွင် လိုက်နာရန် Apple မှ အကြံပြုထားသော အဆင့်များအား လိုက်နာပါ။
- အစွန်းနှစ်ဖက်ဝှက်စာစနစ်ဖြင့် ကာကွယ်ထားပြီး သင်၏ အချက်အလက်များအား
စိတ်ချရသော ချိတ်ဆက်ဖူးသည့် စက်ပစ္စည်းများမှသာ
ဝင်ရောက်ကြည့်ရှုနိုင်ခြင်းရှိစေရန် iCloud အတွက် Advanced Data
Protectionအား ဖွင့်ကာ
အသုံးပြုခြင်းကို ထည့်သွင်းစဉ်းစားပါ။
- အကယ်၍သင်သည် Advanced Data Protection ကို ဖွင့်ထားပါက ဝက်ဘ်ဆိုက်ပေါ်ရှိ iCloud မှတစ်ဆင့် သင်၏ အချက်အလက်များကို ဝင်ရောက်ကြည့်ရှုနိုင်တော့မည်မဟုတ်ပဲ ယခင်ဝင်ရောက်ဖူးသည့် စိတ်ချရသော စက်ပစ္စည်းများတွင်သာ ဝင်ရောက်ကြည့်ရှုနိုင်တော့မည်ဖြစ်သည်။ ဝက်ဘ်ဆိုက်မှတစ်ဆင့် ဝင်ရောက်ခြင်းကို ပြန်လည်ဖွင့်ထားပါက သင်ချိတ်ဆက်ဖူးသည့် စိတ်ချရသော စက်ပစ္စည်းတစ်လုံးလုံးအား ဝဘ်တွင် အသုံးပြုခြင်းကို ယာယီအသုံးခွင့်ပြုပေးရန်အတွက် အသုံးပြုနိုင်သည်။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
Apple စက်ပစ္စည်းများတွင် Apple ID အကောင့်သည် အင်မတန်မှ အရေးကြီးပါသည်။ Apple ID အကောင့်ရှိမှသာ စက်ပစ္စည်းထဲသို့ Application များသွင်းယူခြင်း၊ ဖုန်းပျောက်သွားသည့် အခါတွင် ပြန်လည်ရှာဖွေခြင်းများ ပြုလုပ်လုပ်နိုင်မှာဖြစ်လို့ Apple ID အကောင့်သည် အရေးကြီးသည့် အခန်းကဏ္ဍထဲတွင်ပါဝင်ပါသည်။ Apple အသုံးပြုသူတစ်ယောက်အနေဖြင့် မိမိ၏Apple ID တစ်ခုတည်းနဲ့ ရှိသမျှ Apple စက်ပစ္စည်းများ ( iPhone, Macbook, Apple TV) စတာတွေကို ချိတ်ဆက်ထားနိုင်ပါသည်။ အကယ်၍များ မိမိရဲ့ Apple ID ကို တစ်စုံတစ်ယောက် မိမိမသိလိုက်ပဲ ရရှိသွားတဲ့ အခြေအနေမျိုးက အင်မတန်အန္တရာယ်များပါသည်။ ထိုအခြေအနေတွင် မည်သို့ ပြုလုပ်ရမည်၊ ကာကွယ်ရမည် များကို ဒီ အပိုင်းတွင် ဆွေးနွေးထားပါသည်။
သင့်စက်ပစ္စည်း၊ အကောင့်များ သို့မဟုတ် အချက်အလက်များကို ဝင်ရောက်ကြည့်ရှုရန် ခွင့်ပြုချက်ပေးထားမိသည်များကို ဖယ်ရှားပါ။
- သင်က iOS 15 (သို့) 15 Version ထပ်နှိမ့်သော iOS ကိုအသုံးပြုသူဖြစ်ပါက ဒီမှာပေးထားတဲ့ အကြောင်းအရာကို ဖတ်ကြည့်ပြီး မိမိ၏ Apple ID အကောင့် (သို့) သင်၏ စက်ပစ္စည်းများကို မည်သူဝင်ရောက်နေသည်ကို လည်းကောင်း၊ ရရှိနေသော ဝင်ရောက်ခွင့် ခွင့်ပြုချက်များအား ကန့်သတ်နိုင်မည်ဖြစ်သည်။ this checklist to see if anyone else has access to your device or accounts.
- အကယ်၍ သင်အသုံးပြုနေသော ဖုန်း iOS 16 (သို့မဟုတ်) iOS 16 နှင့်အထပ်ဖြစ်ပါက
ယခုပြောပြမည့် လုံခြုံရေးဆိုင်ရာ စစ်ဆေးခြင်းများ
များပြုလုပ်နိုင်မည်ဖြစ်သည်:
- သင်မျှဝေထားသော အကြောင်းအရာ သတင်းအချက်များ၊ Application များ၊ မျှဝေခဲ့သည့် လူများအားဤ နေရာတွင် ကြည့်ရှုပြီး စစ်ဆေးနိုင်ပါသည်။ (https://support.apple.com/en-gb/guide/iphone/iph42f0b2d53/16.0/ios/16.0).
- တစ်ခြားသူများနှင့် Application နှင့် တစ်ခြားအချက်အလက်များ မျှဝေခြင်းအား သတိချပ်ပါ။ ရပ်တန့်ပါ။ (https://support.apple.com/guide/personal-safety/how-safety-check-works-ips2aad835e1/1.0/web/1.0#ips6b5010ee3).
- တစ်ချို့သော ကိစ္စရပ်တွေအတွက် သင်မျှဝေလိုက်တဲ့ Application တွေရှိမှာဖြစ်ပေမယ့် အဲ့ဒီ Application တွေကတောင် တကယ်တမ်းတော့ သင့်ကို မကာကွယ်နိုင်ပါဘူး။ (https://support.apple.com/guide/personal-safety/additional-considerations-safety-check-ipsce4cb8352/web) ဒါကြောင့် ဖုန်း Setting ထဲက Safety Check ကို ဝင်ရောက်ကြည့်ရှုပြီး ဘယ်လိုအကြောင်းမျှဝေမှုတွေကို လျော့ချသင့်တယ်ဆိုတာမျိုးကို Safety Check ကိုဝင်ရောက်ကြည့်ရှုခြင်းအားဖြင့် လေ့လာတွေ့ရှိ နိုင်မှာဖြစ်ပါသည်။
- iPhone မှာအလိုအလျောက် ပါဝင်ပြီးသားဖြစ်တဲ့ Application (သို့) အကြောင်းအရာမျှဝေမှုတွေကို နဲ့ ပက်သက်တဲ့ လုံခြုံရေးဆိုင်ရာ အကြောင်းအရာများကို အသေးစိတ်လေ့လာနိုင်ပါသည်။(https://support.apple.com/guide/iphone/use-built-in-privacy-and-security-protections-iph6e7d349d1/ios#iph27454a3969).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
သင်၏ အကောင့်၊ စက်ပစ္စည်းနဲ့ သတင်းအချက်အလက်တွေကို ရည်ရွယ်ချက်ရှိရှိ တစ်စုံတစ်ယောက်ကို မျှဝေဖို့ အစီအစဉ်မရှိဘူးဆိုရင်တော့ မလိုလားအပ်တဲ့ အချက်အလက်တွေကို မမျှဝေ လိုအပ်ပါတယ်။ အဲ့ဒါမှ မိမိရဲ့ လုံခြုံရေး တံခါးတွေကို သေချာစွာ ထိန်းသိမ်းနိုင်မှာဖြစ်ပါတယ်။ ဒီနေရာမှဦတော့ သင်စစ်ဆေးသင်တဲ့ အကြောင်းအရာ တစ်ခုကို ထပ်မံဖော်ပြထားပါသည်။ သင်ကိုယ်တိုင်တောင်မှ ခွင့်ပြုစရာမလိုပဲ သင်၏ စက်ပစ္စည်းများ၊ အကောင့်များ၊ အချက်အလက်များကို တစ်စုံတစ်ယောက် ဝင်ရောက်နေနိုင်တယ်ဆိုတဲ့ အကြောင်းအရာပါ။ လေ့လာကြည့် သင့်ပါသည်။
အချိန်တစ်ခုထိ ဖုန်းအားအသုံးမပြုတော့ပါက ဖုန်းစခရင်အား ပိတ်ပြီး လော့ခ်ချထားပါ
- သင်၏ ဖုန်းစခရင်အား သင်အသုံးမပြုတော့သည့် အချိန်တွင် ချက်ခြင်း ဖုန်းစခရင်ပိတ်သွားရန် စီမံပါ။ ( ၅မိနစ်သည် အကောင်းဆုံးအချိန်ဖြစ်သည်။)
- အနည်းဆုံး အက္ခရာ 10 လုံး)ရှိသော စကားဝှက် Passphrase တစ်နည်းအားဖြင့် (ဂဏန်းအက္ခရာ၊ သင်္ကေတ တွေ စားသာတွေ အားလုံးထည့်နိုင်မယ်) Passphrase တစ်ခုကို ဖန်တီးပါ။ တိုတိုတုတ်တုတ် စကားဝှက်တွေ၊ ကိန်းဂဏန်းတွေကို မထားပဲနဲ့ Passphrase တွေကိုသာ အသုံးပြုပါ။
- သင်၏ဖုန်းအား ဖွင့်ဖို့ရန်အတွက် လက်ဗွေ၊ မျက်နှာ Scan ကဲ့သို့သော အရာများအား
စကားဝှက်အဖြစ်ထားခြင် (ဒါမှမဟုတ်) မျက်လုံး၊ အသံကို အသုံးပြုပြီး ဖုန်း၏
လော့ခ်ဖွင့်ခိုင်းသည့်စနစ်ကို ပြုလုပ်ထားခြင်းသည် အခြေအနေတစ်ခုခု ကြုံရပါက
သင့်အား အကြပ်ကိုင်သော နည်းလမ်းအသုံးပြုပြီး သင်၏ဖုန်းအားဖွင့်ဖို့
တစ်စုံတစ်ယောက် (သို့) အစုအဖွဲ့အလိုက် အသုံးပြုနိုင်သည်။ ဉပမာ သင်၏
ဖုန်းလုခံရသော အခြေအနေတစ်ခုကို စဉ်းစားကြည့်ပါက ပို၍ မြင်သာနိုင်မည်ဖြစ်သည်။
ဒါကြောင့် သင့်တွင် စာရိုက်ရန်အဆင်မပြေလောက်သည့် အမြင်အာရုံချို့တဲ့ခြင်း၊
အကြားအာရုံချို့တဲ့ခြင်း ၊ ကိုယ်လက်မသန်စွမ်းခြင်း စတဲ့ အခြေအနေတွေမရှိပါက
Passphrase ပေးခြင်းကိုသာ အသုံးပြုသင့်ပြီး တစ်ခြားအရာများအား
အသုံးမပြုသင့်ပါ။
- သင့်အနေဖြင့် သင့်လက်ဗွေနှင့် မျက်နှာကိုထည့်သွင်းထားပြီးဖြစ်ပါက ၎င်းတို့ကို သင့်စက်ပစ္စည်းမှ ဖယ်ရှားပါ။
- သင်၏ဖုန်းတွင် ထည့်သွင်းခဲ့သော လက်ဗွေရာကို ဖယ်ရှားလိုပါက ဒီနေရာတွင် လေ့လာကြည့်နိုင်သည်။ (https://support.apple.com/en-us/102528#manage).
- သင်၏ဖုန်းတွင် ထည့်သွင်းခဲ့သော မျက်နှာသွင်ပြင် ID များအား ပြန်လည်ပိတ်လိုပါက ဒီနေရာတွင် လေ့လာကြည့်နိုင်သည်။(https://support.apple.com/en-sg/guide/iphone/iph6d162927a/ios#aria-iph7be5b34b6).
- ရိုးရှင်းသည့် "swipe to unlock"ရွေးချယ်မှုသည် လုံခြုံသောလော့ချခြင်းမဟုတ်ပါ ၎င်းရွေးချယ်မှုကိုအသုံးမပြုပါနှင့်။
- Passcode ဖန်တီးလိုပါက ဒီနေရာတွ် အသေးစိတ်လေ့လာနိုင်ပါသည်။ Apple's guide on setting passcodes on iPhone, iPad or iPod touch.
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
နည်းပညာဆိုင်ရာ တိုက်ခိုက်မှုများသည် သင့်အတွက် အကြီးမားဆုံး စိုးရိမ်စရာဟု ထင်ရသော်လည်း သင့်စက်ပစ္စည်းကို သိမ်းဆည်းခံရခြင်း သို့မဟုတ် ခိုးယူခံရပြီး တစ်စုံတစ်ဦးမှ ဖောက်ထွင်းခံရခြင်းက ဖြစ်နိုင်ခြေပိုများပါသည်။ ထိုကဲ့သို့သော အခြေအနေမျိုးတွင် Passphrase ထားရှိခြင်းသည် တစ်ခြားတစ်စုံတစ်ယောက် သင်၏ဖုန်းအား ရယူ၍ Password (သို့) PIN များအား အလွယ်တကူ ခန့်မှန်းပြီး ဝင်ရောက်နိုင်မှုအား ကာကွယ်ပေးသည်။
Passphrase ( ဂဏန်း၊ အက္ခရာ၊ အမှတ်အသားများစွာ ထည့်သွင်းနိုင်သော ) စကားဝှက်များမှလွဲ၍ အခြား စခရင်လော့ခ်ချရွေးချယ်မှုများကို ကျွန်ုပ်တို့ မအကြံပြုပါ။ ဖမ်းဆီးခြင်း၊ ထိန်းသိမ်းခြင်း ဒါမှမဟုတ် ရှာဖွေခံရသော အခြေအနေမျိုးတွင် သင်၏မျက်နှာ၊ အသံ၊ မျက်လုံး သို့မဟုတ် လက်ဗွေဖြင့် သင့်စက်ပစ္စည်းကို အလွယ်တကူ လော့ခ်ဖွင့်ရန် ခိုင်းစေနိုင်သည်။ တစ်စုံတစ်ယောက်၏ လက်ထဲသို့ သင်၏ဖုန်းရောက်ရှိသွားချိန်တွင် ထိုသူများက သင်သတ်မှတ်ခဲ့သော စကားဝှက်တွေကို ခန့်မှန်းရန် ဆော့ဖ်ဝဲကို အသုံးပြုနိုင်သည်။ မျက်နှာ Scan (သို့) လက်ဗွေရာများဖြင့် ဖုန်းတွင် စကားဝှက်အနေဖြင့် ထားရှိခဲ့ပါကလည်း တစ်စုံတစ်ယောက် က သင်၏မျက်နှာသွင်ပြင် (သို့) လက်ဗွေရာအား နည်းပညာအသုံးပြုပြီး ပုံစံတုလုပ်ကာ ဖုန်းအားဖွင့်ရန် ကြိုးပမ်းနိုင်ပါသည်။
ဤအကြောင်းများကြောင့်၊ ချမှတ်ရန်အလုံခြုံဆုံးသောသော့သည် ရှည်လျားသော Passphrase စကားဝှက်တစ်ခုဖြစ်သည်။
သင့်စက်လော့ခ်ချထားချိန်တွင် မြင်နိုင်သောအရာများကို ထိန်းချုပ်ပါ
- အဲ့ဒါကြောင့် ဖုန်းတွင် Notification Setting တစ်နည်းအားဖြင့် မက်ဆေ့(ချ်)၊ Email စသည့် အကြောင်းအရာများ မပေါ်လာစေရန်အတွက်ဖုန်းစခရင် ပိတ်ထားသော အချိန်၌ Notification Setting ကို "Never" ပြုလုပ်သင့်သည်။အဲ့ဒါမှသာ တစ်စုံတစ်ယောက် ပေးပို့လာသောအကြောင်းအရာများအား ဖုန်းစခရင်ပေါ်တွင် တက်မလာသော အနေအထားတွင်ရှိမည်ဖြစ်သည်။ "(https://support.apple.com/guide/iphone/iph7c3d96bab/ios)
- မိမိ၏ စက်ပစ္စည်း iphone (သို့) ipad Setting ထဲသို့ ဝင်ရောက်ကာ Face ID & Passcode နေရာသို့ဝင်ရောက်ပါ။ ပြီးလျှင် Accessories ဆိုတာလေးကိုတွေ့ရင် “Turn off” လုပ်ပြီးပိတ်ပစ်ပါ။ တကယ်တော့ သင့်ရဲ့ ဖုန်း (သို့) ipad နှင့် ပြင်ပရှိ စက်ပစ္စည်းများ တစ်ခုခုနှင့် ချိတ်ဆက်မှုတွင် သင့်အနေဖြင့် ဖုန်းကိုဖွင့်ကာ ခွင့်ပြုချက်ပေးရန် လိုအပ်ပါသည်။ ထိုသို့သော အခြေအနေများအတွက် သင်၏ဖုန်း စခရင်ပိတ်ထားတဲ့ အချိန်မျိုးမှာ ပြင်ပရှိ စက်ပစ္စည်း တစ်ခုခု နှင့် သင်၏ ဖုန်းချိတ်ဆက်မှု ပြုလုပ်ရန်အတွက် မဖြစ်မနေ ခွင့်ပြုချက်လိုအပ်အောင် “Accessories” ကို ပိတ်ထားခိုင်းခြင်းဖြစ်ပါသည်။ iPhone၊ iPad (သို့) iPod များ တစ်ခြားသော ပြင်ပစက်ပစ္စည်း တစ်ခုခုနှင့် ချိတ်ဆက်ရာတွင် လိုအပ်သော အချက်အလက်များကို အသေးစိတ်သိရှိလိုပါက ဒီ Link တွင် ဆက်၍ ဖတ်နိုင်ပါသည်။ (https://support.apple.com/en-us/111806).
- အောက်ထဲမှာရှိတဲ့ Notification / Control Center/ Siri/ Home Control
စသည်များ ကို “အစိမ်းရောင်လေးပြောင်းကာ ဖွင့်တာမိပါက" သင်၏ဖုန်းစခရင်
ပိတ်ထားရင်တောင်မှ ဒီမှာရှိတဲ့ Features တွေကို သုံးလို့ရနိုင်ပါသည်။
ဒါကြောင့် ဖုန်းစခရင် ပိတ်ထားပြီး လူအများမမြင်စေချင်တဲ့ အရာတွေကို
ဒီနေရာမှာလာပြီး ခွင့်ပြုချက်တွေ ပိတ်ထားလို့ရပါတယ်။ ဉပမာ
ဖုန်းစခရင်ပိတ်ထားတဲ့အချိန် တစ်စုံတစ်ယောက်က Message ပေးပို့နေခြင်းကို
စခရင်ပေါ်မှာ မပေါ်စေချင်ဘူးဆိုရင် “Notification” ကို “ ပိတ်ရမှာဖြစ်ပါသည်။
အလားတူစွာပဲ ဖုန်းစခရင်ပိတ်နေသည့်အချိန်တွင် “Notification” နှင့် “Control
Center” ကို ပိတ်ထားရမည်ဖြစ်ပါသည်။ Control Center ကိုမပိတ်ထားမိခြင်းက
သင်မသိလိုက်သောအချိန်တွင် သင်၏ဖုန်းစခရင်ဖွင့်စရာမလိုပဲ သင့်ဖုန်းအား
ပိတ်ခြင်း၊ Reset ချခြင်းများပြုလုပ်နိုင်ခြင်းကြောင့် ဒီ Setting များကို
သတိထားပြီး စီမံသင့်ပါသည်။
- iPhone ဖုန်းခရင် ပိတ်ထားရင်တောင်မှ မိမိကိုယ်တိုင် ခွင့်ပြုပေးထားမိသော App ရဲ့ အချက်အလက်ရနေပုံနဲ့ အသုံးချနေပုံကို သေချာလေ့လေ့လာပါ။ Lock Screen နဲ့ပက်သက်ပြီး အကြောင်းအရာ အသေးစိတ်ကို ဒီနေရာတွင် လေ့လာနိုင်သည်။(https://support.apple.com/guide/iphone/control-access-information-lock-screen-iph9a2a69136/ios).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
ဖုန်းတစ်လုံးတွင် ဖုန်းစခရင် လော့(ခ်)ချထားခြင်း တစ်နည်းအားဖြင့် ခိုင်မာအားကောင်းသော စကားဝှက်များဖြင့် ကာကွယ်ထားခြင်းသည် အင်မတန်မှအရေးကြီးသည်။ ခိုင်မာအကောင်းသော စကားဝှက်များနှင့် စခရင်လော့(ချ်) ချထားခြင်းက မိမိ၏ စက်ပစ္စည်း အခိုးခံရချိန် သို့မဟုတ် သိမ်းဆည်းခံရချိန်၌ သင့်ကို အတိုင်းအတာ တစ်ခုထိ ကာကွယ်ပေးနိုင်သည်။ ထိုသို့သော အခြေအနေတွင် သင်က ဖုန်းစခရင်လော့(ချ်) ချထားသော်လည်း သတိပေးချက်များကို ပိတ်ထားခြင်းမရှိပါက သင့်၏အသိမိတ်ဆွေပေးပို့လာသော မက်ဆေ့(ချ်) (သို့) အီးမေး(လ်) ကနေလည်း သင်၏ အချက်အလက်အချို့ ပေါက်ကြားနိုင်သည်။
Voice Controls (အသံထိန်းချုပ်ခြင်း) ကိုပိတ်ပါ။
- အသံထိန်းတွေကိုထိန်းချုပ်နိုင်တဲ့ Voice Control feature ကို ပိတ်ပါ။ [ https://support.apple.com/HT207301) နှင့်/သို့မဟုတ်Siri
- iPhone မှာပါဝင်တဲ့ Siri ကို ပိတ်ပါ။ Siri ကိုပတ်နိုင်ဖို့ရန်အတွက် ဒီနေရာတွင် ကြည့်ရှုနိုင်ပါသည်။(https://support.apple.com/en-il/guide/iphone/iphc28624b81abc/ios). ဖုန်းရဲ့စခရင်ပိတ်နေစဉ််တွင် Siri ပွင့်မသွားစေရန် “Allow Siri When Locked” ဆိုတာလေးကို ပိတ်ပစ်ထားပါ။
- Dictation ကိုလည်းပိတ်ထားပါ။ Dictation နှင့် Siri ကိုပိတ်ထားခြင်းဖြင့် Apple ကုမ္ပဏီ သင်၏ Apple ID အကောင့်နှင့် ချိတ်ဆက်နေသော Siri ရဲ့ ဒေတာများကို ဖြတ်ပေးမှာဖြစ်ပါတယ်။ Dictation ကိုပိတ်နိုင်ဖို့ရန်အတွက် ဖုန်းထဲက Setting ထဲကိုဝင်ပါ။ General ကိုသွားပါ။ Keyboard ကို တွေ့ပြီးဆိုတာနဲ့ “Enable Dictation” ကို ပိတ်ပစ်ပါ။
- ဤနေရာတွင် Siri ကိုအသုံးပြုခြင်းအားဖြင့် Apple ကုမ္ပဏီအနေဖြင့် ဒေတာတွေကို မည်ကဲ့သို့ စုဆောင်းပြီး ရယူနေကြောင်းကို အသေးစိတ်ဖတ်ရှုနိုင်ပါသည်။ (https://www.apple.com/legal/privacy/data/en/ask-siri-dictation)
- အသံထိန်းချုပ်မှုအားပြုလုပ်နိုင်သော (Voice Control) ကိုသည် သင့်အတွက် အန္တရာယ်ရှိနိုင်နေခြင်းထပ် သင့်အတွက် အကျိုးကျေးဇူးများစွာပေးသည်ဟုယူဆပါက ပိုမိုလုံခြုံစေရန် အောက်ပါအကြောင်းအရာများအား ဖတ်ရှုပါ။ (https://securityplanner.consumerreports.org/tool/secure-your-smart -speaker)
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
အကယ်၍ သင်က စက်ပစ္စည်းတစ်ခုအား သင်၏အသံ နှင့် ထိန်းချုပ်နိုင်ရန် စနစ်တစ်ခုကို ပြုလုပ်ထားနိုင်ပါက တစ်စုံတစ်ယောက်သော သူကလည်း သင်၏စက်ပစ္စည်းက နားထောင်နေသော အသံတွေကို ဖမ်းယူနိုင်ရန်အတွက် တစ်ခြားကုဒ်တစ်ခုအသုံးပြုကာ ပြုလုပ်နိုင်ပါသည်။
ဒီနေရာမှာ "အသံအတုအယောင်ပြုလုပ်ခြင်း" အန္တရာယ်ကို ထည့်သွင်းစဉ်းစားရန် အရေးကြီးသည်။ တစ်စုံတစ်ယောက်သောသူက သင်၏အသံကို ဖမ်းယူမှတ်တမ်းတင်နိုင်ပြီး သင့်ခွင့်ပြုချက်မရှိဘဲ သင့်ဖုန်းကို ထိန်းချုပ်ရန်အတွက် ထို "အသံအတုအယောင်" ကိုအသုံးပြုနိုင်သည်။
သင့်တွင် စာရိုက်ရန် သို့မဟုတ် အခြားထိန်းချုပ်မှုများကို အသုံးပြုရန် ခက်ခဲစေသော မသန်စွမ်းမှုတစ်ခုရှိပါက၊ လိုအပ်သော အသံဖြင့်ထိန်းချုပ်မှုကို သင်ရှာဖွေနိုင်ပါသည်။ ၎င်းတို့ကို ပိုမိုလုံခြုံစွာတပ်ဆင်နည်းအတွက် လမ်းညွှန်ချက်များကိုဤအပိုင်းတွင်ကြည့်ပါ။ သို့သော် သင်သည် ဤအကြောင်းကြောင့် အသံထိန်းချုပ်မှုများကို အသုံးမပြုပါက၊ ၎င်းတို့ကို ပိတ်ထားခြင်းက ပိုမိုလုံခြုံပါသည်။
သင့်ဖုန်းမျက်နှာပြင်ကို အခြားသူများမမြင်နိုင်အောင် တားဆီးပေးသည့် တကိုယ်ရည်သုံး အခြားသူလှမ်းမမြင်နိုင်သည့် Privacy မျက်နှာပြင်မှန်ကပ်များကို အသုံးပြုပါ
- အထက်ပါခေါင်းစဉ်နှင့်ပတ်သက်၍ အကြောင်းအရာများ ပိုမိုသိရှိလိုပါက [တကိုယ်ရည်သုံး လုံခြုံရေး စီစစ်ထားသည့်မျက်နှာပြင်များအတွက် လုံခြုံရေးအစီအမံ လမ်းညွှန်] (https://securityplanner.consumerreports.org/tool/use-a-privacy-filter-screen) တွင် ဖတ်ရှူပါ ။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
ကျွန်ုပ်တို့၏ ဒစ်ဂျစ်တယ်လုံခြုံရေးတိုက်ခိုက်ခံရခြင်းများကို အဆင့်မြင့်နည်းပညာပိုင်းအနေဖြင့် ထင်မြင်နေသော်လည်း လူ့အခွင့်အရေးကာကွယ်သူအချို့၏ အချက်အလက်များ ခိုးယူခံရခြင်း သို့မဟုတ် အကောင့်များ ကျိုးပေါက်ခြင်းမှာ တစ်စုံတစ်ယောက်က ၎င်းတို့၏ ဖုန်းမျက်နှာပြင်ကို ပုခုံးထက်မှ ကျော်ကြည့်ခြင်း သို့မဟုတ် လုံခြုံရေးကင်မရာကို အသုံးပြု၍ကြည့်ရှုခြင်းဖြစ်ကြောင်း သင်အနေဖြင့် သိရှိပါက အံ့အားသင့်စရာဖြစ်နိုင်ပါသည်။ တကိုယ်ရည်သုံး အခြားသူလှမ်းမမြင်နိုင်အောင် မျက်နှာပြင်အကာမှန်တစ်ခုသုံးထားခြင်း က များသာအားဖြင့် ပုခုံးထက်မှ ကျော်ကြည့်ခြင်းဟုခေါ်သည့် တိုက်ခိုက်မှုမျိုး မအောင်မြင်စေရန် ဆောင်ရွက်ပေးနိုင်သည် ။ ၎င်းတို့ကို စက်ပစ္စည်းနှင့်ဆက်စပ်သည့်ပစ္စည်းများ ရောင်းသည့်ဆိုင်များတွင် ရှာကြည့်နိုင်သည်။
ကင်မရာအကာ ကို အသုံးပြုပါ
- ပထမဆုံးအနေဖြင့် သင့်စက်တွင် ကင်မရာများ မည်သည့်နေရာမှာရှိ၊ မရှိကို ရှာဖွေပါ။ သင့်စမတ်ဖုန်းတွင် တစ်ခုထက်မက ရှိနိုင်ပါသည်။
- သင့်အနေဖြင့် နည်းပညာနိမ့် ကင်မရာအဖုံး - သင့်ကင်မရာအပေါ်တွင် ကပ်ခွာပတ်တီးငယ်ကို အသုံးပြုကာ ပိတ်ထားပြီး ကင်မရာကို အသုံးပြုရန် လိုအပ်သည့်အခါ ၎င်းကို လိုအပ်သလို ရွှေ့၍ အသုံးပြုနိုင်ပါသည်။ အလယ်အပိုင်းသည် ကော်မပါသောကြောင့် ကင်မရာမှန်မျက်နှာပြင်ကို စေးကပ်ခြင်းမရှိသည့်အတွက် ပတ်တီးသည် စတစ်ကာထက် ပိုကောင်းပါသည်။
- သင်၏စက်ပစ္စည်းများ၍ ပါဝင်သော ကင်မရာများအား ပိတ်ထားနိုင်ရန်အတွက် သင့်တော်သော ကင်မရာကာဗာ “ Webcam” များအား ရှာဖွေ၊ ဝယ်ယူ တပ်ဆင်ပါ။
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
သင့်အား၊ သင့်ပတ်ဝန်းကျင်ရှိလူများ၊ သို့မဟုတ် သင်ရှိနေသောနေရာကို စူးစမ်းရန် အန္တရာယ်ရှိသောဆော့ဖ်ဝဲများသည် သင်မသိဘဲ သင့်စက်တွင်ရှိသော ကင်မရာကိုဖွင့်ပါလိမ့်မည်။
သင်အသုံးမပြုနေချိန်တွင် ချိတ်ဆက်နေမှုများကို ပိတ်ထားပါ
- ညဘက်တွင်သင့်စက်များကို လုံးဝပိတ်ထားပါ။
- Wi=Fi ၊ ဘလူးတုရှ်နှင့် ကွန်ရက်မျှဝေခြင်းကို အသုံးမပြုပါက ပိတ်သည့်အလေ့အကျင့်ကိုပြုလုပ်ပါ။
- Airplane mode ဖွင့်ထားခြင်းသည် သင်၏စက်ပစ္စည်းများအား ချိတ်ဆက်များမှုကို
အလွယ်တကူပိတ်ရန် အမြန်နည်းလမ်းတစ်ခုဖြစ်သည်။ ဒါကြောင့် သင်၏စက်ပစ္စည်းများကို
Airplane Mode "On” စဉ်အချိန်မှာပဲ သင်အသုံပြုလိုသည့် အခြား အရာများကို
အသုံးပြုဖို့ရန်အတွက် Wifi နဲ့ Bluetooth အားတစ်ပြိုင်တည်း ဖွင့်နည်းကို
လေ့လာပါ။
- airplane mode ကိုဖွင့်ပြီး wifi နှင့် bluetooth များကို သေချာပိတ်ပါ။
- ဒီနေရာမှာကတော့ သင်၏စက်ပစ္စည်းကို Airplane Mode ဖွင့်ထားနေချိန်မှာပဲ Wifi / Bluetooth များအားရွေးချယ်ပြီး ဖွင့်နိုင်ရန် ဤ လမ်းညွှန်တွင် လေ့လာနိုင်သည်။ (https://support.apple.com/en-us/108785).
- Bluetooth နှင့် Wifi များအသုံးမပြုချိန်တွင် အမြဲတမ်းပိတ်ထားရန်လိုသည်။ ထိုသို့ပိတ်ရန်အတွက် အလွယ်တကူ Control Center အားသွား၍ ဖုန်းစခရင်ကို ဆွဲတင်၍ ပိတ်လေ့ရှိကြသည်။ Control Center မှာ Bluetooth /Wifi ပိတ်ခြင်းက လက်ရှိ ချိတ်ဆက်နေသော Bluetooth/Wifi connection များအား ချိတ်ဆက်မှုကိုသာ ဖြတ်တောက်ပေးခြင်းဖြစ်တာကြောင့် Bluetooth နဲ့ Wifi ကိုတစ်ပြိုင်တည်းပိတ်နိုင်ရန်အတွက် ဖုန်း Setting ထဲကသာဝင်ရောက် ပိတ်ရန်လိုအပ်သည်။
- မိမိဖုန်းနှင့် တစ်ခြားစက်ပစ္စည်း တစ်ခုအား အင်တာနက်ချိတ်ဆက်ရန်အတွက်
Personal Hotspot များအား အသုံးပြုလေ့ရှိသည်။ Personal Hotspot
အားအသုံးမပြုတော့ပါက ပိတ်ထားသင့်ပါသည်။
- သင်၏ စက်ပစ္စည်းမှ အင်တာနက်မျှဝေအသုံးပြုနိုင်သော “Personal Hotspot” အား တစ်ခြားနှင့် မျှဝေထားခြင်းမရှိမှုကို သေချာစေရန်အတွက် Setting ကိုသွားပါ။ Cellular ကို ဝင်လိုက်တာနဲ့ Personal Hotspot ကိုတွေ့ရမှာဖြစ်ပါတယ်။ အဲ့မှာ “Allow others to Join” ဆိုတာကို ပိတ်ထားရမှာဖြစ်ပါတယ်။ သင်ကိုယ်တိုင်က ခွင့်မပြုပဲ မည်သူကမှ သင်၏ဖုန်းအင်တာနက်အား ချိတ်ဆက်ခြင်းမပြုစေရန်အတွက် ဒီ Setting ကအရေးကြီးပါသည်။
- သင်၏ Personal Hotspot အား မည်သို့ စီမံရမည်ကို ဤလမ်းညွှန်တွင် ကြည့်ရှုနိုင်သည်။ (https://support.apple.com/en-us/111785).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
Wi-Fi၊ NFC နှင့် ဘလူးတုကဲ့သို့ ကြိုးမဲ့ဆက်သွယ်မှုများအားလုံးသည် ကွန်ရက်များ၏ အားနည်းချက်များကို ရှာဖွေဖောက်ထွင်းကာ ထိရှလွယ်သော အချက်အလက်များ နှင့် ကျွန်ုပ်တို့ စက်ပစ္စည်းများကို ရရှိအောင် ကြိုးစားနိုင်သည့် ကျွန်ုပ်တို့အနီးက တိုက်ခိုက်သူများ၏ တိုက်ခိုက်မှုကို ခံရနိုင်သည်။
သင့်စက်၏ ဘလူးတုသို့မဟုတ် Wi-Fi ချိတ်ဆက်မှုကို ဖွင့်လိုက်သောအခါ သင့်စက်ပစ္စည်းသည် သင် ယခင်က ချိတ်ဆက်ထားခဲ့သော မည်သည့် wifi ကွန်ရက်ကိုမဆို ရှာဖွေရန် ကြိုးစားပါသည်။ အခြေခံအားဖြင့်၊ ၎င်းသည် ၎င်းနှင့်ချိတ်ဆက်ရန်ရနိုင်ခြင်းရှိမရှိကြည့်ရှုရန် ၎င်း၏စာရင်းရှိကွန်ရက်တိုင်း၏အမည်များကို သိရှိရန်ကြိုးစားပါသည်။ အနီးနားတွင်ရှိသော စောင့်ကြည့်နေသူတစ်ဦးသည် သင့်စက်ပစ္စည်းကို ကို သိရှိရန် ဤရှာဖွေမှုကို သုံးနိုင်သည်။ အကြောင်းမှာ သင့်စက်ပစ္စည်း သို့မဟုတ် ကွန်ရက်စာရင်းသည် အများအားဖြင့် တခြားအရာများနှင့် မတူပဲ ကွဲပြားမှု ရှိပါသည်။ ဤလက်ဗွေနှင့်တူသော သင်မှန်းသိသာစေသောအရာများသည် သင့်ဧရိယာအတွင်ရှိ စောင့်ကြည့်နေသူတစ်ဦးအတွက် သင့်စက်ပစ္စည်းကို ပစ်မှတ်ထားရန် သို့မဟုတ် သင်ရောက်ရှိခဲ့သည့်နေရာကို ဖော်ထုတ်ရန် လွယ်ကူစေသည်။
ထို့ကြောင့် အထူးသဖြင့် ဝိုင်ဖိုင်နှင့် ဘလူးတု တို့ကိုအသုံးမပြုသည့်အခါ ဤချိတ်ဆက်မှုများကို ပိတ်ခြင်းသည် အကြံကောင်းဖြစ်ပါသည်။ ၎င်းသည် တိုက်ခိုက်သူက သင့်စက်ပစ္စည်းပေါ်တွင် ထူးဆန်းစွာဖြစ်ပျက်နေသည်ကို သင်သတိမထားမိစေဘဲ သင်၏အဖိုးတန်ပစ္စည်းများကို ဝင်ရောက်ရန်လုပ်ဆောင်နိုင်သည့်အချိန်ကို တားမြစ်သည်။
သင်သိမ်းဆည်းထားသော ဝိုင်ဖိုင်ကွန်ရက်များကို ရှင်းလင်းပါ
- သင်ချိတ်ဆက်မည့်ကွန်ယက်များ (အထူးသဖြင့် Wifi ကွန်ယက်) စတဲ့ ကွန်ယက်အမည်၊ စကားဝှက်တွေကို စကားဝှက်များထည့်သွင်းသိမ်းဆည်းနိုင်သော (Password Manager) တွင် ထည့်သွင်းသိမ်းဆည်းပါ။
- အများအားဖြင့် စက်ပစ္စည်းနှင့် ချိန်ဆက်သော ကွန်ယက်များအား စက်တွင်မှတ်တမ်းတင်ထားလေ့ ရှီတတ်သည်။ ဒါကြောင့် သင်ချိတ်ဆက်ခဲ့သော Wifi နာမည်၊ စကားဝှက်များအား စက်ပစ္စည်းတွင် မှတ်ထားပါက အမြဲတမ်း Setting ထဲတွင် ဝင်ရောက် ဖျက်ပစ်ရမည်ဖြစ်သည်။ အကယ်၍ ထို Wifi များကို အသုံးမပြုဖြစ်တော့ဘူးဆိုပါက " Auto-Join” ဆိုတာလေးကို ပိတ်ထားသင့်ပါသည်။ “Auto-Join” ကိုပိတ်ထားခြင်းဖြင့် သင့်စက်ပစ္စည်းက Wifi ကွန်ယက်ရောက်သည့်နေရာတွင် ချိတ်ဆက်မှုပြုလုပ်တော့မည်မဟုတ်ပါ။ Wifi ကွန်ယက် တစ်ခုချိတ်ဆက်ရန်အတွက် " Wif Name နှင့် password” လိုအပ်မည်ဖြစ်သည်။ ချိတ်ဆက်မိခဲ့သော “Wifi” ကွန်ယက်များအား ဖျက်ပစ်နိုင်ရန်အတွက် ဤလမ်းညွှန်တွင် ဖတ်ရှုနိုင်သည်။ (https://support.apple.com/en-us/102480).
- သင်၏ဖုန်း Setting ထဲတွင် ဖုန်းနှင့်ချိတ်ဆက်မိပြီး သိမ်းဆည်းမိခဲ့သော Wifi/ Bluetooth ကွန်ယက်များအား Reset ချနိုင်ပါသည်။ Reset ချလိုက်ခြင်းအားဖြင့် သင်၏စက် မှတ်တမ်းတင်ခဲ့သော Wifi/ Bluetooth ကွန်ယက်များ အားလုံးပျက်သွားမည်ဖြစ်သည်။ ထိုသို့ ပြုလုပ်နိုင်ရန်အတွက် သင်၏ iPhone အား Reset ချနည်းအား ဤလမ်းညွှန်တွင် ဖတ်ရှုနိုင်သည်။ (https://support.apple.com/guide/iphone/reset-iphone-settings-iphea1c2fe48/ios).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
Wi-Fi ချိတ်ဆက်မှုကို ဖွင့်လိုက်သောအခါ၊ သင်စက်ပစ္စည်းသည် သင် ယခင်က ချိတ်ဆက်ထားခဲ့သော မည်သည့် Wi-Fiကွန်ရက်ကိုမဆို ရှာဖွေရန် ကြိုးစားသည်။ အခြေခံအားဖြင့်၊ ၎င်းသည် ၎င်းနှင့်ချိတ်ဆက်ရန်ရနိုင်ခြင်းရှိမရှိကြည့်ရှုရန် ၎င်း၏စာရင်းရှိကွန်ရက်တိုင်း၏အမည်များကို "အော်" သည်။ အနီးနားတွင် လျှိုလျှိုနေသူတစ်ဦးသည် သင့်စက်ပစ္စည်းကို ခွဲခြားသတ်မှတ်ရန် ဤ "ကြွေးကြော်သံ" ကို သုံးနိုင်သည်၊ အကြောင်းမှာ သင့်စာရင်းသည် အများအားဖြင့် ထူးခြားသည်- သင့်တွင် အနည်းဆုံး သင့်အိမ်ကွန်ရက်နှင့် သင့်ရုံးကွန်ရက်သို့ ချိတ်ဆက်ထားပြီး ဖြစ်နိုင်သည်၊ သူငယ်ချင်းများ၏အိမ်များ၊ အကြိုက်ဆုံး ကော်ဖီဆိုင်များ၊ စသည်ဖြင့် ကွန်ရက်များကို ဖော်ပြခြင်းမပြုပါနှင့်။ ဤလက်ဗွေနှင့်တူသော အထောက်အထားများသည် သင့်ဧရိယာအတွင်း လျှိုနေသူတစ်ဦးအတွက် သင့်စက်ပစ္စည်းကို ပစ်မှတ်ထားရန် သို့မဟုတ် သင်ရောက်ရှိခဲ့သည့်နေရာကို ဖော်ထုတ်ရန် လွယ်ကူစေသည်။
ဤသက်သေလိုက်နိုင်သည့်အရာမှ သင့်ကိုယ်သင် ကာကွယ်ရန်၊ သင့်စက်မှသိမ်းဆည်းထားသော wifi ကွန်ရက်များကို ဖျက်ပစ်ပြီး သင့်စက်အား ကွန်ရက်များကို မမှတ်မိစေရန် လုပ်ဆောင်ပါ။ ၎င်းသည် လျင်မြန်စွာ ချိတ်ဆက်ရန် ပိုမိုခက်ခဲစေလိမ့်မည်၊ သို့သော် ထိုအချက်အလက်များကို သင့်စကားဝှက်မန်နေဂျာတွင် သိမ်းဆည်းထားခြင်းသည် သင်လိုအပ်သည့်အခါတွင် ၎င်းကိုရယူနိုင်မည်ဖြစ်သည်။
သင်အသုံးမပြုနေချိန်တွင် မျှဝေခြင်းကိုပိတ်ထားပါ
- AirDrop ဆိုသည်မှာ Apple ကုမ္ပဏီမှ ထုတ်ကုန်များအား အသုံးပြုသူအချင်းချင်း မိမိတို့မှာရှိနေသည့် ဒေတာ (ဓါတ်ပုံ၊ သီချင်း၊ ဖိုင်များ) အား မျှဝေနိုင်ရန် ပြုလုပ်သည့် စနစ်တစ်ခုဖြစ်သည်။ AirDrop မှာ “ Receiving Off” ပြုလုပ်ထားခြင်းက သင်၏ စက်ပစ္စည်းနှင့် ချိတ်ဆက်ရန်အတွက် သင်၏ခွင့်ပြုချက်လိုအောင်ပြုလုပ်ထားခြင်းဖြစ်သည်။ ဒါကြောင့် တစ်စုံတစ်ဦးက သင်၏ AirDrop နှင့်ချိတ်ဆက်ပေမယ့်လည်း “ Receiving Off”လုပ်ထားလိုက်ပါက တစ်ခြားသူမှ သင်၏ စက်ပစ္စည်းထဲသို့ ဒေတာများ မျှဝေလာခြင်းအား ကာကွယ်ပေးနိုင်မည်ဖြစ်သည်။ (https://support.apple.com/en-us/119857#setoptions).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
စက်ပစ္စည်းအများအပြားသည် ကျွန်ုပ်တို့အား ကျွန်ုပ်တို့ပတ်ဝန်းကျင်ရှိ အခြားသူများနှင့် ဖိုင်များ သို့မဟုတ် ဝန်ဆောင်မှုများကို အလွယ်တကူမျှဝေရန် ရွေးချယ်ခွင့်ပေးခြင်းသည် အသုံးဝင်သောအင်္ဂါရပ်တစ်ခုဖြစ်သည်။ သို့သော် အသုံးမပြုနေစဉ်အတွင်း ဤလုပ်ဆောင်ချက်ကို ဖွင့်ထားပါက၊ အန္တရာယ်ရှိသောသူများသည် သင့်စက်ပစ္စည်းရှိ ဖိုင်များကို ရယူရန် ၎င်းကို အသုံးချနိုင်သည်။
အဆင့်မြင့်: တစ်စုံတစ်ယောက်သည် သင့်ခွင့်ပြုချက်မရှိဘဲ သင့်စက်ပစ္စည်းကို ဝင်ရောက်အသုံးပြုခြင်းရှိမရှိသုံးသပ်ပါ (အခြေခံဒစ်ဂျစ်တယ်ဓာတ်ခွဲခန်းပညာ)
အောက်ပါ စစ်ဆေးစာရင်းများရှိ အဆင့်များကို လိုက်နာပါ
- မိမိ၏ iCloud အကောင့်အား ပြန်လည် သုံးသပ်ပါ။ (https://github.com/securitywithoutborders/guide-to-quick-forensics/blob/master/ios/icloud.md)
- မိုဘိုင်းစက်ပစ္စည်းများအား စီမံစစ်ဆေးပါ။ (https://github.com/securitywithoutborders/guide-to-quick-forensics/blob/master/ios/mdm.md)
- jailbreaks များကိုစစ်ဆေးပါ။
- chat app များနှင့်ဆက်စပ်နေသောစက်ပစ္စည်းများအား စစ်ဆေးပါ။ (https://github.com/securitywithoutborders/guide-to-quick-forensics/blob/master/smartphones/linkeddevices.md)
- မိမိစက်ပစ္စည်းများနှင့် ချိတ်ဆက်မည့် ကွန်ယက်များနှင့် ကွန်ယက်နှင့် ချိတ်ဆက်နေသော အချိတ်အဆက်တွေကို လေ့လာစောင့်ကြည့်ပါ။ (https://github.com/securitywithoutborders/guide-to-quick-forensics/blob/master/smartphones/network.md)
- သင်၏ စက်ပစ္စည်း အန္တရာယ်ကျရောက်နေပြီဟု သံသယရှိပါက၊ အလျင်အမြန် သင့်ပြသနာအား ဖြေရှင်းနိုင်ရန်အတွက် စီမံထားသော လမ်းညွှန်ကို ဤနေရာတွင်ဖတ်ရှုနိုင်ပြီး တစ်ဆင့်ခြင်း လိုက်လုပ်ရမှာဖြစ်ပါသည်။ (https://digitalfirstaid.org/topics/device-acting-suspiciously/#ios-intro).
ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ
တစ်စုံတစ်ယောက်သည် သင့်စက်ပစ္စည်းများ၊ ဖိုင်များ သို့မဟုတ် ဆက်သွယ်ရေးများကို ဝင်ရောက်အသုံးပြုသည့်အခါ အမြဲတမ်းသိသာထင်ရှားနိုင်မည်မဟုတ်ပေ။ ဤထပ်တိုးစစ်ဆေးစာရင်းများသည် သင့်စက်ပစ္စည်းများကို ကမောက်ကမဖြစ်စေခြင်းရှိမရှိကို ပိုမိုထိုးထွင်းသိမြင်စေနိုင်ပါသည်။
ထပ်မံပါရှိသော အရင်းအမြစ်များ
- Security in a Box သူခိုးဆော့ဖ်ဝဲ လမ်းညွှန်
- သင်၏ Apple စက်ပစ္စည်းများအား လုံခြုံစွာ အသုံးပြုနိုင်ရန်အတွက် (Personal Safety Guide ) လုံခြုံစွာအသုံးပြုနည်းလမ်းညွှန် ရှိပါသည်။ (https://help.apple.com/pdf/personal-safety/en_US/personal-safety-user-guide.pdf)